كيف أصبحت حيوان مائي

كيف أصبحت حيوان مائي
كانت عندي صديقة فرنسية اسمها حيزية و كانت دائما تتطلب مني الحضور الى فرنسا لكني كنت أتحجج بالدراسة....فقالت لي أنا سآتي فمت بالحشمة ...... وين راح نبيتها فأنا أسكن في شقة ذات غرفتين ببومعطي ... و أبي موسطاش عروبي يحاوزني من الدار ...فطلع لي السكر للمخ و قلت لها بعد ستة أشهر نجي...... فتركت الدراسة و أهملت السيزيام و قلت لأمي كل عطلة فيها خير ....فدهبت الى كريمو الفيرايور و قلت له نافيقي لي طابلة فالمارشي ..... فقال لي ما تكسرش مشكل .. مكاش راسك......فخليت له النيميرو و بعد ثلاثة أيام رجع لي الخبر ......فمت بالفرحة .....و سلعت فيها زوج كرطونات تع السوتيانات و الملابس و سطاليت الطابلة ثلاثة بعشرين .... فكنت نبيع كل يوم و درت التاويل فدفعت الفيزا مدوهالي فاتصلت بعمري حي حي و قلت لها جاغيف ... فقالت لي جاغيف با آ كغوااااااااااااااغ....قالت لي كي تلحق أبعثلي أبال موا قتلها داكوغ..... فدهبت الى لا غار روتيار تع البابور و طلعت و أنا ميت بالفرحة ...فلفت انتباهي الكابريو تع الطيطانيك فرحت ليه و قتلو واش راهي صحبتك وردة فقال لي راهي لاباس دوك ناكتيفي لقراطوي و نعيطلها .... كي قريب نلحقو وقع ما لم يكن في الحسبان .................. طاح البابور أون بان ...... فمتنا بالخلعة و شفت الموت بين عينيا... فأتى لينا الروسوفور و قال لنا الصغير فيكم يحبط يبدل الرودة ........ و لسوء حظي كنت أنا هو الصغير فالبابور .... فلبست الجيلي بار بال وعطاولي حبيلة و حبطت نبدل الرودة ...... كي حبطت بدا يصوني التيليفون ... طلقت يدي مالحبيلة باش نريبوندي ففقدت التوازن و غرقت ............. كي فطنت لقيت روحي فالقهوة تع السي شلاطة ..فشفت روحي في المراية لقيت وجهي ولا صفر و عينيا ولاو كبار بزاف و لاو يعيطولي تعيي الاسفنجة........ لقيت الدعوة معمرة بالحوت ... فقتلو أعطيلي شطيطحة سردين فجابهالي أومبعد جا واحد وجهو وردي شكلها معايا حب يولي صاحبي قتلو وسمك قالي وسمني باتريك قتلو وين كاين ليسي هنا نروحو نكحلو فقال لي أيا معايا نوريلك فركبت معاه فوق سمك القرش و قلنالو وصلنا لا فاك كي لحقنا لفتت انتباعي وحد الزلة شحال شاابة عشقت فيها ديراكت فقتلو سكون هادي ؟؟ قالي هدي عروس البحر وسمها سوسو قاع يكحلولها...... مي هيا ماترياليست لازم تكون عندك حصان البحر ولا ما تركبش معاك .... فرحت ليها قالتي بالاك يشوفك القرنيط والله غير يشبعك سقالي...... و حدث ما لم يكن في الحسبان ...جا القرنيط و قالي شكون نتا؟ علا شراك تهدر مع مدامتي فقتلو قتلتنا بلامافيا صاحبي .... فطرطق لاما و حب يشمتني لكني ضربتو بقطعة و حكمتو بلآدار صرعتو و أخذت عروس البحر الى البحر الأبيض المتوسط و عشنا في سعادة هناء ......